08.04.2016 Oldies op Jöck: Essen

Besuch des UNESCO Welterbes Zollverein in Essen

zeche zollverein2001 erklärte das Welterbekomitee der UNESCO die Aufnahme des Essener Industriekomplexes Zeche und Kokerei Zollverein in die Welterbeliste. Das Komitee würdigte das Ensemble als repräsentatives Beispiel für die Entwicklung der Schwerindustrie und hob insbesondere die vom Bauhausstil beeinflusste Architektur hervor.

Ne schöne Daach en Essen

vum Katharina Petzoldt

Et wor ne schöne Daach en Esse, wann se uns nor nit beim Meddachesse hätte kumme jesinn. Ävver ich verzälle vun vörren aan.

Et wor ne schöne Daach en Esse, wann se uns nor nit beim Meddachesse hätte kumme jesinn. Ävver ich verzälle vun vörren aan.

Am 8.4.2016 hät sich e Jrüppche vun 21 Lückcher us dem Verein am Bahnhoff jetroffe öm dem UNESCO Welterbe Zollverein en Essen ne Besök ze maache.

Fruhjelaunt sin mer allemann en der Zoch jeklomme. Dann jingk et noch e Stöckelche met der Bahn – Linie 107 – durch de Stadt, bes mer allt vun wiggem dä Fördertoom vun dem Welterbe jesinn hann. Immer noch jot jelaunt woodte mer vun nem nette Föhrer bejröß un sin dann en nem Bimmelbähnche üvver dat ca. 100 Hektar jroße Welterbejelände jejöck.  Mer krääten die janze Historie un all die ville Halle un Bauwerke verklört un mer hann nur esu jestaunt. De Zeche Zollverein en Essen ess de modänste Steinkollezech vun der janze Welt. Hä hät uns de Kultorjeschichte verzallt, vun wie de Koll vör 300 Millijone Johre entstande bes wie et Ruhrjebiet zor Metropole Ruhr jewooden ess.

Et woodt Meddaach. En fruher Erwaadung op e lecker Meddachesse kome mer en et Casino-Zollverein eren, en en jroße aal Hall, die ömfunktioneet wooden ess. De Desche woren met fing Deschdöcher jedeck un met Blome dekoreet un mer däten staune, wat mer us su ner aal Arbeitshall nit all maache kann. Ne nette Kellner kom un dät froge, wat mer drinke wollte. E schö jroß leddich Wingjlas stundt för meer un noh esu vill Kultor hatt ich esu richtich Ammelung op e lecker Jläsche Wing. Un dann kom de Fooderkaat (die Speisekarte)!  Mer däten uns Auge nit traue. Mer kunnte nor zwesche ner Seezung för € 28,– odder jebrode Lammkoteletts för € 30,– wähle. E Züppche dät € 8,– koste, ne kleine Schlot € 12,–. Et jov noch Hummerravioli för  € 16,–. Met einem Schlaach hatte mer keine Hunger mih. Ävver wat wollte mer maache? Wick un brick wor  kei ander schö Lokal odder ne MacDonalds ze sinn wo mer hätte hinflöchte künne. Mer woren medden op dem jroße Jelände vum UNESCO Welterbe Zollverein en Essen un wollten esse.

beim Essen

Et ärme Gabriele Kriese, wat sich esu vill Möh met der Orjanisation vun der Faht jemaat hätt, kräät de Woot un fung ne Diskösch met dem Kellner aan. Dä wor dann jar nit mih esu nett un meinten nitsch, dat hä nor die ein Kaat hätt un mer nix anderes bestelle künnte. Mer sin jo all nit kniestich, ävver bei dä Priese well mer en nem finge Lokal met Kääzeleech, schö Musik un en fing Kledaasch setz. Mer soßen do en Stroßeklamotte, decke Schohn un hatten uns op en leckere Ääzezupp odder en Woosch met Pommes jefreut.

Wat blevv uns üvverich: Mer mooten dat Maria-Hilf-Züppche schluppe, uns aan de Salatblättcher sattesse, odder dä eine Hummerraviolo eravschlecke, dä uns bal em Hals steche jeblevven ess. Einer meinten dann: „Die Ravioli ist aber sehr lecker!“ Un dann kom der decke Hammer. Dat Jläsje Wing dät € 10,90 koste! Einer saat: „Dafür bekomme ich beim Aldi drei Flaschen.“

Voll met neu Endröck soße mer dann widder em Zoch noh Kölle.  Mer hann vill üvver et UNESCO Welterbe Zollverein en Essen jelihrt, wäden och draan denke, wie se uns en Essen met dem Essen  hann kumme jesinn. Dat wor uns dä Spass doch wäät, odder nit? Et wor ävver trotzdäm ne richtich schöne Daach. Un hätzlichen Dank denne Lückcher, die sich met der Orjanisation suvill Möh jemaat hann.

Home                   zurück                    nach oben